هذي خبرتي في الحياة نثرتها قدامكم والمثل يقول اسأل خبير وشف وش يصير واوعدكم اي اكتشاف جديد راح احطه هنا واضيفه لأني ما ابخل على زواري بأي شي أشوف انهم راح يستفيدون منه ... ايه هيّن بس مقطعتكم الفايده
علمتني الحياة : ان الظاطور ما ينقتل لأنه يصير متجنس .. الا اذا قريت آية الكرسي وسميت بالله 20 مره ، ومعك شاهدين وملف علاقي
علمتني الحياة : ان ذنب البرصي مافيه سمّ بس هو يتراقص فرحان لأنه ارتاح من التسحيب والجرجره
علمتني الحياة : ان الحمامه اذا مريت من جنبها ما تطير ، لكن اذا وقفت وطمنت للارض نحاشت ؟
علمتني الحياة : ان العسكريم ما يضر بعض الناس ( اسم الله علي ) عندهم مناعه وحلوقهم تقول مليصه بسميت ، اما انا لو افتح الثلاجه واصكها انزكمت لي يومين
علمتني الحياة : ان الأعصل المنقطع اللي قاضي من حياته ياكل أكثر من الدب السمين ولا هيب الدعوى على المنظر الخارجي .
علمتني الحياة : ان الحب صار ملطشه الحين . وكل يقول انه يحب وان مقولة ( حبّك برص ) انقرضت ولا عاد لها حس .
علمتني الحياة :ان علبة السن توب ما تنفقع الا اذا صارت منتفخة ، وانها اذا صارت منسمّه ومتسفطه ما جايك منها الا شخترة عصير وبس
علمتني الحياة : ان الفاره ما يمكن تلحق القطوه الا في حاله وحده بس اذا صارت الفاره معطبتن امها ذيك الليله
علمتني الحياة : ان القروده لو عندها شك ولو شي بسيط ( كعبول ) ان فيها ملح كان ماقعدت تديّـر بمقفاها
علمتني الحياة : ان الاشاره تبطي ما تنفتح اذا وقف عندك واحد مبطي ما شفته ولا تواطنه ؟
علمتني الحياة : ان القطوة اذا اخرت عنها بالسيارة تاطاها ، واذا بغيت تاطاها نحاشت ؟؟
حقوق الرقعة محفوظه لأبوهارون
ترقبوا المزيد في القريب العاجل المتعجل في معاجيل العجول